Fakulteti i Shkencave Matematike Natyrore

 Dekan i Fakultetit, Prof.dr. Fauzi Skenderi 

 E-mail: fauzi.skenderi@unite.edu.mk

Fakulteti i Shkencave Matematike-Natyrore organizon studimet themelore në tetë programe studimore, që zgjasin katër vjet, kurse studenti grumbullon gjithsej 240 kredi.
Ky fakultet realizon veprimtari arsimore, shkencore-hulumtuese, aplikative dhe publikuese në sferën e shkencave biologjike, fizike, kimike, matematikore, informatike, gjeografike dhe ekologjike. 
Matematika paraqet shkencë që korelon me shkencat teknike dhe fizikën, por në kohën e fundit është evidente se depërton edhe në ekonomi, mjekësi, teknologjinë informatike si dhe në shkencat e tjera. Cikli Master studentëve të diplomuar u mundëson që dijet e fituara t’i thellojnë në punën shkencore-hulumtuese në fushën e matematikës.

Informatika ose Teknologjia e informatikës paraqet pjesë integruese të zhvillimit bashkëkohor, si të shoqërisë ashtu edhe të shkencave tjera. Studimet bazike të informatikës përfshijnë njohuri të thelluara mbi softuerin dhe harduerin, si dhe shfrytëzimin e kompjuterit për qëllime të ndryshme: udhëheqjen e proceseve, përpunimin e të dhënave, menaxhimin e informacioneve, përpunimin e sistemeve inteligjente kompjuterike etj.

Fizika paraqet sfidë për maturantët e ri dhe para së gjithash të mençur, sepse sqaron bashkëveprimevet reciproke të grimcave më të imta si dhe bashkëveprimet reciproke dhe fshehtësitë e trupave qiellorë me një fjalë studion raportin e materies dhe energjisë. Cikli i dytë zgjatë një vit dhe ofron 60 ECTS kredi.

Kimia paraqet bërthamën e shkencave moderne, teknologjisë dhe mjekësisë. Objekti i studimit të kimisë është materia dhe konglomerati kimik i saj. Në jetën bashkëkohore, në veçanti në prodhimin dhe sintezën e proteinave, kimia ka rol jashtëzakonisht të rëndësishëm. Kimistët e diplomuar punësohen në punë shkencore-hulumtuese, arsim, hulumtime laboratorike, industrinë bioteknologjike, shëndetësi, farmaci, industrinë petrokimike etj.

Përmbajtja dikotome e programit studimor Fizikë&Kimi studentëve u mundëson përfitim të njohurive dhe kompetencave për punë në arsim respektivisht për kyçje në procesin edukativo-arsimor qoftë në shkollimin fillor ose të mesëm.
Studimet e Biologjisë janë të konceptuara mbi parimin e mësimnxënies së njohurive dhe kompetencave të zgjeruara mbi shkencat biologjike, që do të shërbejnë për inkuadrimin e biologëve të diplomuar si në procesin arsimor ashtu edhe në institucionet tjera. Studentët e suksesshëm mund t’i vazhdojnë studimet e veta në ciklin e dytë Master të cilat zgjasin 2 semestra dhe ofrojnë 60 ECTS kredi.

Ekologjia, nga shkencat bashkëkohore për mjedisin jetësor, sot trajtohet si shkencë interdisciplinore. Ajo studion dhe ofron zgjidhje për problemet nga sfera e mbrojtjes të mjedisit jetësor, planifikimin hapësinorë, shkencat natyrore, teknike dhe bioteknike. Gjithashtu, ekologjia ndeshet edhe me sfidat në planin global, siç është ngrohja globale dhe ndotja e planetit Tokë. Studimet e Masterit zgjasin një vit dhe ofrojnë 60 kredi.

Studimet bazike të Gjeografisë zgjasin katër vite dhe ofrojnë 240 kredi, me çka Profesori i gjeografisë ose Gjeografi i diplomuar fiton të drejtën për vazhdimin e ciklit të dytë të master studimeve të cilët zgjasin dy semestra dhe ofrojnë 60 kredi. Përpos punës arsimore gjeografi i diplomuar mund të punojë në planifikimin hapësinor dhe shoqëror, urbanizëm, mbrojtjen e mjedisit, studime multidisiplinare etj.

 

FAKULTETI I SHKENCAVE MATEMATIKO NATYRORE Cikli i parë (VIII semestra, 240 ECTS)
PROGRAMI STUDIMOR	TITULLI QË FITOHET
Biologji a) Drejtimi arsimor b) Biokimi Studime të disperzuara- Shkup	Profesor i diplomuar i biologjisë Inxhinier i diplomuar i biologjisë–drejtimi biokimi
Kimi-Fizikë a)Drejtimi arsimor Studime të disperzuara- Shkup	Profesor i diplomuar i fizikës-kimisë
Fizikë a) Drejtimi arsimor b) Drjetim profesional	Profesor i diplomuar i fizikës Inxhinier i diplomuar i fizikës
Kimi a)Drejtimi arsimor b)Drjetim profesional c)Biokimi analitike	Profesor i diplomuar i kimisë Inxhinier i diplomuar i kimisë Inxhinier i kimisë – drejtimi biokimi analitike
Matematikë a)Drejtimi Arsimor Studime të disperzuara- Shkup	Profesor i diplomuar i matematikës
Informatikë a) Drejtimi arsimor b) Drejtimi profesional Studime të disperzuara- Shkup Studime të disperzuara- Kërçovë Studime të disperzuara- Kumanovë	Profesor i diplomuar i informatikës Inxhinier i diplomuar i informatikës–informatikan
Gjeografi a) Drejtimi arsimor b) Drejtimi profesional	Profesor i diplomuar i gjeografisë Inxhinier i diplomuar i gjeografisë
Ekologji	Ekolog i diplomuar

 

FAKULTETI I SHKENCAVE MATEMATIKO NATYRORE Cikli i dytë (II semestra, 60 ECTS)
PROGRAMI STUDIMOR	TITULLI QË FITOHET
Matematikë -Matematikë e përgjithshme	Magjistër i matematikës
Gjeografi -Gjeografi regjonale -Gjeografi socio-ekonomike	Magjistër i gjeografisë + emri i modulit
Informatikë -Informatikë e përgjithshme	Magjistër i informatikës
Biologji -Botanikë -Zoologji -Biokimi	Magjistër i biologjisë + emri i modulit
Kimi -Kimia organike me biokimi -Kimia analitike me mbrojtje te mjedisit jetësor -Kimia inorganike me kimi fizike	Magjistër i biologjisë + emri i modulit
Ekologji	Magjistër i biologjisë + emri i modulit

 

 

 

Shto tek: Facebook | Furl | Digg | Myspace | Windows Live | Yahoo MyWeb |