Mirënjohje e thellë për Universitetin e Tetovës dhe mbarë popullin shqiptar në Maqedoni vjen nga SHBA-të

image

Më 10 mars 2017, në adresë të Universitetit të Tetovës, ka mbërritur shkresa zyrtare e Universitetit prestigjioz amerikan Northern Illinois University, me seli në Çikago, në të cilën kumtohet lajmi i gëzueshëm për Universitetin e Tetovës, se Rektori ynë, Prof. Dr. Vullnet Ameti, më 16 dhjetor 2017 do të laureohet me titullin më të lartë universitar Doctor Honoris Causa i Universitetit Northern Illinois University (NIU).

Kjo mirënjohje e thellë vjen si rrjedhojë e angazhimit permanent të Rektorit Ameti në sendërtimin e Universitetit të Tetovës, për rolin pozitiv që luan në të mirë të komunitetit të gjerë në Republikën e Maqedonisë dhe në rajon dhe në promovimin e kahershëm të vlerave të mirëfillta akademike e shoqërore, por edhe në forcimin e urave të bashkëpunimit  universitar në rrafshin global.

Me këtë rast, duhet theksuar se Northern Illinoi University për herë të parë në historinë e vet e laureon me titullin më të lartë Doctor Honoris Causa një personalitet jashtë territorit të SHBA-ve.

 

Në emër të stafit drejtues, stafit të profesorëve, studentëve, punonjësve të Universitetit të Tetovës dhe mbarë popullit shqiptar, ne e urojmë Rektorin tonë, Prof. Dr. Vullnet Ameti për këtë nderim të madh, përmes të cilit materializohet  mundi dhe sakrifica 23 vjeçare e popullit shqiptar  në Republikën e Maqedonisë për të drejtën e shkollimit të gjuhën amtare.

  • email Email shokëve
  • print Printo
Universiteti Shtetëror i Tetovës
image Me rastin e shënimit të 23 vjetorit të themelimit të Universitetit të Tetovës, udhëheqësia
image Në ambientet e Fakultetit Filologjik të Universitetit të Tetovës sot u bë përurimi i
image Në Universitetin e Tetovës, sot para prodekanëve për shkencë të fakulteteve tona dhe drejtuesve
image Studentët Fakultetit Juridik të Universitetit të Tetovës, të shoqëruar nga Doc. Dr. Jusuf Zejneli
image Më 8 dhjetor 2017, në ambientet e Akademisë së Shkencave të Shqipërisë në Tiranë,