Studentët e UT-së e vizituan Ambasadën e SHBA-ve në Shkup

image

Studentët e Universitetit të Tetovës, përkatësisht të programeve studimore të Shkencave politike dhe të Gazetarisë të Fakultetit Juridik, më 8 maj 2017, e vizituan Ambasadën e Shteteve të Bashkuara të Amerikës në vendin tonë. 

Studentët e këtij grupi, të udhehequr nga profesoresha e tyre Mr. Sc. Gjyla Çeliku, gjatë qëndrimit të tyre në Ambasadën e SHBA-ve patën mundësi që të takojnë edhe të parin e kësaj ambasade, Jess Baily, ambasador i SHBA-ve në Shkup, i cili para tyre mbajti edhe një ligjëratë, me temë: ,,Promovimi i demokracisë Amerikane si shtyllë e paqes dhe qetësisë në botë”.

Pas përfundimit të ligjëratës u zhvillua edhe një debat interaktiv mes studentëve dhe ambasadorit Baily, ku studentët parashtruan pyetje nga më të ndryshmet për rolin e demokracisë në SHBA.

Po ashtu, gjatë vizitës së studentëve në Ambasadën e SHBA-ve, studentët patën mundësi që të vizitojnë edhe disa sektorë të tjerë të cilët funksionojnë në kuadër të kësaj ambasade.

Mr. Sc. Gjyla Çeliku, bashkë me studentët e kanë falënderuar Ambasadën e SHBA-ve dhe ambasadorin Jess Beily për mundësinë që u dhanë atyre, për së afërmi të njihen me diplomatë të ndryshëm amerikanë dhe njëherit të mësojnë edhe më shumë rreth demokracisë amerikane nga vetë ambasdori Jess Beily.

 

Zyra për informim 

  • email Email shokëve
  • print Printo
Universiteti Shtetëror i Tetovës
image Në Universitetin e Tetovës i filloi punimet Konferenca e Pestë Ndërkombëtare Ballkanike e Shkencave
image Studentët e Fakultetit të Arteve të Universitetit të Tetovës organizuan koncert vjetor me muzikë
image Absolventët e Universitetit të Tetovës, të gjeneratës 2017/2018, në prag të përfundimit të studimeve
image Profesori i Fakultetit të Inxhinierisë  Ushqimore, Prof. Dr. Gokhan Durmaz nga Universiteti Inonu nga
image Në Fakultetin Filologjik të Universitetit të Tetovës u bë promovimi i 12 numrave të