Prof. Dr. Vullnet Ameti: Robert Elsie në panteonin e kontribuesve të pavdekshëm të kombit shqiptar

image

Me marrjen e lajmit të hidhur për ndarjen nga jeta e studiuesit të njohur të historisë së letërsisë shqiptare, Robert Elsie, më lejoni që në emër të Universitetit të Tetovës, t’Ju shpreh ngushëllimet vëllazërore, institucioneve arsimore – shkencore me të cilat bashkëpunoi ai, si: Akademia e Shkencave e Shqipërisë, Akademia e Shkencave dhe Arteve e Kosovës, Universiteti i Bonit, Ministria e Punëve të Jashtme e Gjermanisë, Shoqata e Evropës Juglindore “Südosteuropa-Gesellschaft’’, institucionet tjera të arsimit, shkencës dhe kulturës, familjes së nderuar Elsie, kolegëve, miqve dhe lexuesve të panumërt të veprës së Tij gjeniale.

Elsie, shkencëtari dhe studiuesi që bëri epokë, do t’na mungojë të gjithëve, në veçanti studiuesve dhe dashamirëve të gjuhës, letërsisë dhe kulturës shqiptare.

Ai la pas vetes thesare të çmueshme për historinë e letërsisë sonë, ndaj do të mbetet burim frymëzimi për brezat, si model i përkryer i studiuesit dhe shkencëtarit.

Veprat e përkthyesit kolosal, me kompetencë dhe argumente shkencore, pasqyrojnë historinë e Shqipërisë, dhe në veçanti të jetës së shqiptarëve ndër shekuj.

Me punën dhe veprën e Tij, padyshim e ka siguruar vendin në panteonin e kontribuesve të pavdekshëm për kombin shqiptar.

Qoftë i përjetshëm kujtimi për studiuesin dhe mikun e madh të kombit shqiptar!

 

Prof. Dr. Vullnet Ameti

 

Rektor i Universitetit të Tetovës

  • email Email shokëve
  • print Printo
Universiteti Shtetëror i Tetovës
image Kolegji AAB, në partneritet me Universitetin e Tetovës, Universitetin "Ismail Qemali" në Vlorë, Universitetin
image   Me vizitën në Muzeun Historik të Universitetit të Tetovës në fshatin Poroj, homazhet te
image Albanologia e shquar kineze, njëherit edhe profesoreshë në Fakultetin e Gjuhëve në Universitetin e
image   Rektori i UT-së, Prof. Dr. Vullnet Ameti: Profesor  Remzi Nesimi doajen i arsimit dhe
image   Rektori i Universitetit të Tetovës, Prof. Dr. Vullnet Ameti, mori pjesë në shënimin e