Studentja e UT-së Ardita Osmani fitoi çmim në garat botërore për violë

image

Ardita Osmani, studente e drejtimit studimor – Violë në Fakultetin e Arteve të Universitetit të Tetovës është vlerësuar me vendin e dytë në Festivalin DAM në Prishtinë, të organizuar nga “West Coat Symphony Orchestra” nga Vankuveri i Kanadasë. Ajo shprehet tejet e kënaqur për vlerësimin që i është bërë nga juria e festivalit të lartpërmendur, në të cilin kanë marrë pjesë artistë të njohur nga vendi dhe rajoni.

“Ishte një garë shumë e suksesshme, një garë shumë e madhe. Unë isha një ndër katër finalistet e asaj gare, ndërsa kishte konkurrentë nga Maqedonia, Shqipëria, Mali i Zi dhe Kosova. Fillimisht konkurruam me video audicion, ndërsa pastaj garuam mes veti. Më 28 mars, kemi luajtur para jurisë së përbërë prej 4 anëtarëve (tre violistë dhe presidenti i orkestrës). Pas kalimit të fazës së audicioneve shpallej fituesi. Unë e mora vendin e dytë, ndërsa vendin e parë në violë e mori kolegia ime nga Shqipëria” – theksoi violistja Ardita Osmani.

Vendi i dytë në një festival ndërkombëtar nuk është sukses vetëm për studenten Ardita Osmani, por edhe për Universitetin tonë, përkatësisht Fakultetin e Arteve, vlerëson Prof. Dr. Blerim Grubi.

“Ardita është një risi e madhe, sidomos për ne në Universitetin e Tetovës, për arsye se Fakulteti i Arteve përgatit kuadro të këtij niveli, të aftë për të fituar çmime ndërkombëtarë në Festivalin DAM që organizohet në Prishtinë dhe me këtë rast mes një konkurrencë të ashpër, Ardita fitoi vendin e dytë. Për ne është sukses dhe këto janë fillimet e para për ne instrumentistët, sepse janë artistët e parë që do të vijnë te ne në kohën më të re – tha profesori i Fakultetit të Arteve të UT-së, Prof. Dr. Blerim Grubi.

Ai po ashtu shprehu bindjen se kuadro të tilla së shpejti do të kyçen dhe të përfaqësojnë shqiptarët edhe në institucionet e artit dhe kulturës në vend dhe më gjerë.

Ardita është e para artiste nga Maqedonia që është vlerësuar me një çmim të këtillë në këtë festival.

Zyra për Informim

 

 

  • email Email shokëve
  • print Printo
Universiteti Shtetëror i Tetovës
image   Universiteti i Tetovës nga Tetova dhe Kolegji AAB nga Prishtina e Republikës së Kosovës
image Fakulteti i Kulturës Fizike i Universitetit të Tetovës dhe Fakulteti i Kulturës Fizike dhe
image Sot në Universitetin e Tetovës, përfaqësues të Ambasadës së Shteteve të Bashkuara të Amerikës
image Universiteti i Tetovës në bashkëpunim me Universitetin Ndërkombëtar të Novi Pazarit, më 14. 4.
image Në kuadër të aktiviteteve për shënimin e 7 Prillit, Ditës Botërore të Shëndetësisë, më