Fakulteti Juridik, si njësi akademike e arsimit të lartë, është i hapur për të gjithë studentët që dëshirojnë të studiojnë. Fakulteti Juridik organizon studime sipas modelit 3+2.
Misioni i këtij fakulteti është që juristët e ardhshëm që do të profesionalizohen në Fakultetin Juridik të jenë të aftë të marrin pozita dhe të zënë vende të punës në organet e jurisprudencës edhe atë në gjyqësi, prokurori publike, në avokaturë,  në administratën shtetërore, në institucionet dhe organet e ndryshme të pushtetit shtetëror dhe në sektorin privat.

Ky fakultet synon:

• dijen, shkencën dhe arsimimin e brezave të rinj;
• aftësimin e studentit të gjykojë në mënyrë kritike dhe të mendojë në mënyrë analitike;
• aftësimin e studentit për të analizuar fenomene, ngjarje, koncepte, ligje apo politika të caktuara;
• mundësia e studentit të shprehet lirshëm dhe të rezonojë në mënyrë më të gjerë.