Во просториите на факултетите на Универзитетот во Тетово се организираше акцијата за крводарителство од страна на студентите, академскиот и административниот кадар.
Хуманитарната акција за крводарителство на Универзитетот во Тетово се организира веќе неколку години по ред во соработка со Црвениот крст на Република Македонија и Одделот за трансфузија од Клиничка болница во Тетово.
Голем број студенти и професори од Универзитетот во Тетово се приклучија на иницијативата на Црвениот крст, со што ја искажаа својата хуманост. Според нив, само со донирање крв, за поддршка на сите оние што имаат потреба, може да се спаси еден живот.
Од Црвениот крст на Македонија и од Одделот за трансфузија во Тетово соопштија дека во оваа акција учествувале голем број волонтери кои позитивно одговориле на повикот за донирање крв. Тие, исто така, им се заблагодарија на раководството на Универзитетот во Тетово за поддршката што тие секогаш ја даваат за оваа акција.