По добивањето на непријатната вест за смртта на патриотот, деецот на албанската кауза, Адем Демачи, дозволете ми во име на Универзитетот во Тетово да Ви изразам сочувство на институциите на Република Косово, на Претседателот, Владата, Собранието, Академијата на науките и уметностите, Универзитетот во Приштина, образовните и научните институции – за кои Адем Демачи се жртвувал несебично, на почитуваното семејство Демачи, неговите соработници, пријатели и целиот албански народ.
Адем Демачи, хуманист и градител на универзални демократски идеи, ќе се памети од целиот народ за несебичното жртвување за образованието, науката и албанската култура, ќе остане засекогаш во нашата колективна меморија како симбол на натчовечки жртвувања под комунистичкиот прогон, интелектуалец визионер и благороден граѓанин кој целиот свој живот и активности ги постави во служба на големите идеали за нашата национална кауза.
Како патриот од највисокиот ранг, тој ќе остане ретка и извонредна личност со високи морални и човечки доблести. Нејзината историска улога и значење ќе остане вечна во најновата историја на албанскиот народ.
Монументалниот авторитет и неговите дела ги имаат во темелите љубовта за татковината и националното единство, спремноста за жртвување и титанските заложби за слобода.
Нека биде вечен споменот за симболот на националниот отпор – Честа на нацијата, Адем Демачи!
Проф. д-р Вулнет Амети
Ректор на Универзитетот во Тетово
