Факултетот за физичка култура и студиските програми Физичка култура и здравје и Спортски тренер. се дефинирани како општа интердисциплинарна област, во која доминира физичката активност вклучена во спортот. Студиите на овој факултет се организираат според Болоњскиот модел од 4 години или 240 ЕКТС и 3 години или 180 ЕКТС.

Оваа област на студии опфаќа предмети од областа на физичкото образование и спортот, медицинските и психолошко-педагошките предмети кои го опремуваат и оспособуваат студентот со знаења, вештини и компетенции.

Дипломирани студенти на студиската програма за Физичка култура и здравје, како и магистри по Физичко образование и Спортски науки, ги применуваат своите знаења и вештини во областа на основното, средното или високото образование. Перспективата за вработување во оваа област е голема, а со измените на Законот за основно и средно образование во РСМ се зголемува бројот на задолжителни и факултативни часови во долниот и средниот циклус на образование. Со ова има потреба од наставници по физичко.