Факултетот за уметности како составен дел на Универзитетот во Тетово со студиските програми Ликовна уметност, Музичка уметност и Драмска уметност претставува темел на високото образование од областа на уметноста. Во текот на овие децении постоење, сите овие студиски програми во рамките на Факултетот за уметности изградија познат профил, заземаа посебно место во целокупниот образовен систем на РСМ и формираа генерации млади луѓе посветени на уметноста и воопшто на креативниот пристап.
Со формирањето на Универзитетот во Тетово на 17 декември 1994 година, во негов состав е формиран и Факултетот за уметности. Во 1996/2002 година, Факултетот за уметности се трансформира во три факултети: Факултет за ликовни уметности, Факултет за музичка уметност и Факултет за драмски уметности. Во 2002/2004 година трите факултети се споија во еден факултет: Факултетот за уметности со три студиски програми: Ликовна уметност, Музичка уметност и Драмска уметност.
Во 2004 година, Универзитетот во Тетово од страна на Одборот за акредитација на Министерството за образование и наука на Република Македонија беше официјално именуван како Државен универзитет во Тетово и во негов состав Факултет за хуманитарни науки и уметности со две студиски програми: Ликовна уметност и Музичка уметност. Но, во 2008 година беше трансформиран во Факултет за уметности, име што го носи и денес (07.07.2008 година беше прогласен за ден на Факултетот за уметности).
Во моментов на Факултетот за уметности постојат овие студиски програми:

● Ликовна уметност – Ликовна педагогија
● Ликовна уметност – Сликарство
● Ликовна уметност – Вајарство
● Ликовна уметност – Графика
● Ликовна уметност – Графички дизајн
● Музичка уметност – Музичка педагогија
● Музичка уметност – насока Музикологија
● Музичка уметност – насока Соло пеење
● Музичка уметност – насока Пијано
● Музичка уметност – насока Виолина
● Музичка уметност – насока Виола
● Музичка уметност – насока Виолончело
● Музичка уметност – насока Контрабас
● Музичка уметност – насока Гитара
● Музичка уметност – насока Флејта
● Музичка уметност – насока Кларинет
● Музичка уметност – насока Обоа
● Музичка уметност – насока Труба
● Драмска уметност – насока Актерство
● Драмска уметност – Театарска режија
● Драмска уметност – насока Филмска режија
● Драмска уметност – насока Монтажа
● Драмска уметност – насока Продукција
● Драмска уметност – насока Кинематографија
● Драмска уметност – насока Филмско сценарио и драматургија

Студиите на Факултетот за уметности се прилагодени на Системот за акумулација и трансфер на кредити, кој е конципиран во согласност со препораките и рамката дефинирана од европските академии и факултети и во согласност со Болоњската декларација. Студиите од прв циклус на Факултетот за уметности траат четири академски години (осум семестри од 240 ЕКТС кредити), додека студиите на втор циклус траат една академска година (два семестри од 60 ЕКТС кредити). Факултетот за уметности зема активно учество во спроведувањето на Програмата Темпус и Еразмус + и е во континуирана соработка со универзитети од целиот регион.
За прием на нови студенти, поради специфичноста на предметите, постојат одредени услови за пријавување, односно право на пријавување имаат сите оние кои завршиле четиригодишно средно образование и успешно го положиле приемниот испит.
Од своето основање до денес, Факултетот за уметности има статус на водечка институција во областа на уметничкото образование. Во текот на 27-те години од неговото постоење, учествувале околу 96 професори – истакнати уметници од Република Северна Македонија, Република Албанија и Република Косово. Од оваа институција дипломирале околу 656 студенти, меѓу кои голем број успешно ја претставувале државата со изложби, филмови, концерти, значајни театарски претстави во земјата и странство.
Како и другите високообразовни институции, Факултетот за уметности во Тетово се соочува со предизвиците на модерната ера. Сите карактеристики на времето во кое живееме се пресликани во дејноста на Факултетот. Обврска на наставниците на Факултетот е да обезбедат наставни програми, чија содржина мора да биде во склад со потребите на времето.