Природно-математичкиот факултет организира додипломски студии во осум студиски програми, кои траат четири години, додека студентот акумулира вкупно 240 ЕКТС кредити. Додека студиите од втор циклус се организираат во дваесет студиски програми, кои траат една година и две години, додека студентот акумулира 60 ЕКТС или 120 ЕКТС кредити. Овој факултет спроведува едукативни, научно-истражувачки, применети и издавачки активности од областа на информатика, математика, физика, хемија, биологија, географија и екологија.
Информатиката претставува составен дел на модерниот развој на општеството како и на другите науки. Основните компјутерски студии вклучуваат сеопфатни знаења за софтверот и хардверот, како и користење на компјутерот за различни цели: водење на процеси, обработка на податоци, управување со информации, обработка на интелигентни компјутерски системи, итн.
Математиката претставуваат наука која е во корелација со техничките науки и физиката, но неодамна е очигледно дека се пробива во економијата, медицината, информатичката технологија и другите науки. Дипломираните студенти по математика да ги подобрат своите стекнати знаења преку научно-истражувачка работа.
Физиката е предизвик за новите матуранти, бидејќи ги објаснува меѓусебните интеракции меѓу најмалите честички и тајните на небесните тела, со еден збор ја проучува поврзаноста на материјата и енергијата.
Хемијата претставува јадро на модерните науки, технологијата и медицината. Целта на изучувањето на хемијата е материјата и нејзиниот хемиски конгломерат. Во модерниот живот, особено во синтезата на производството, хемијата има исклучително важна улога. Дипломираните студенти по хемија ќе бидат вработени во научно-истражувачки области, образование, лабораториски истражувања, биотехнолошка индустрија, јавно здравство, фармација, петрохемиска индустрија, итн.
Физика-Хемија како студиска програма со дихотомната содржина им овозможува на учениците да стекнат знаења и компетенции за работа во образовниот процес, односно да се ангажираат во образовниот процес и во основни или средни училишта.
Биологија како природна наука нуди студии кои се конципирани на принцип на учење и зголемени компетенции за биолошките науки, со што ќе се овозможи вклучување на дипломираните биолози во образовниот процес, како и во други институции.
Географијата како природна наука ја подготвува рамката за професор по географија или дипломиран географ. Покрај образовната работа, дипломиран географ може да работи и на просторно и социјално планирање, урбанистичко планирање, заштита на животната средина, мултидисциплинарни студии, итн.
Екологијата, како една од современите науки што ја проучува животната средина, денес се третира како интердисциплинарна наука. Студира и обезбедува решенија за проблеми од областа на заштитата на животната средина, просторно планирање, природни науки, технички науки и биотехнички науки. Екологијата, исто така, се соочува со глобални предизвици, како што се глобалното затоплување и загадувањето на планетата Земја.
