Во просториите на Ректоратот на Универзитетот во Тетово денеска се отвори изложбата со слики на проф. д-р Роберт Коте, чија главна тема е калето во Круја и изградбата на историскиот музеј во ова кале.
Изложбата на проф. д-р Роберт Коте е претставена и во неколку други албански градови, во Албанија и во Косово, во рамките на активностите што се одржуваат во чест на 550-годишнината од раѓањето на националниот херој, Скендербег.
Пред отворањето на изложбата, проф. д-р Роберт Коте, на просториите на Факултетот за применети науки на нашиот универзитет, одржа предавање на кое презентираше некои факти за делата за време на изградбата на музејот на Скендербег во калето на град Круја.
Тој рече дека со години бил лидер на работите и дека сè е направено по барање на тогашниот лидер на Албанија, Енвер Хоџа.
Тој ги повика студентите на Факултетот за применети науки заедно со нивните професори да го посетат овој музеј и внимателно да ја видат направената работа во овој музеј.
Проф. д-р Роберт Коте, по посетата на Универзитетот во Тетово, реализираше и неколку посети на неколку локации во Тетово за да фотографира некои објекти со цел да собере повеќе информации и детали. Тој вети дека во иднина ќе посети и други градови во Македонија и истите материјали ќе ги презентира на идната изложба со слики.