SEMINARI I ALBANOLOGJISË

Seminari i Albanologjisë, përtej një veprimtarie shkencore, në vetvete përfaqëson angazhim të pareshtur, për idealin tonë kombëtar dhe dëshirën e përbashkët për të ecur përpara gjuha dhe kultura jonë kombëtare.

“Kjo ngjarje e rëndësishme tashmë e ka ndërtuar identitetin e vet shkencor dhe në këtë aspekt përfaqëson jo vetëm veprimtarinë më të rëndësishme shkencore në vendin tonë, por ndër vite ka shërbyer edhe për ndërkombëtarizimin e studimeve të albanologjisë në arenën ndërkombëtare.

Drejtuesit e Universitetit, së bashku me Drejtorinë e Seminarit, angazhohen që të ruhet vazhdimësia e tij dhe nga viti në vit, me prurjet e reja në lëmin e albanologjisë dhe trajtimin e temave aktuale dhe me interes për kulturën shqiptare t’i përmbushë pritshmëritë tona dhe të opinionit më të gjerë” Revista “Albanologjia”, shënon ngritje cilësore nga numri në numër, synon që të jetë një shesh mendor, ku studiuesit shqiptarë dhe të huaj, do t’i prezantojnë të arriturat e kërkimeve dhe hulumtimeve të tyre shkencore, që më pas do të jenë dobiprurëse për botën akademike, por edhe për studentët tanë.

Si institucion arsimor synojmë që të kemi më shumë revista shkencore, sepse kështu e depozitojmë dijen dhe kujtesën tonë dhe i mundësojmë jetëgjatësi dhe komunikim të përhershëm me lexues kohërash të ndryshme.

Revista Ndërkombëtare e Albanologjisë – ALBANOLOGJIA

Seminari XIV Ndërkombëtar i Albanologjisë